Meri Adhuri Kahani Short Love Story

( This is a pure love story of a boy. this love story is a short love story, this short love story is hindi love story written in english font. i am sure this love story will entertain you. it is a cute love story. it is a love story of an incomplete love. )



vo din abhee bhee yaad aata hai jab paapa se bahut jid karane ke baad 5 roope maange the kyoonki klaas mein tumane kaha tha tumhe golagappe bahut pasand hain...aur mujhe tum achchhee lagatee theen...tumhaara aur mera ghar aajoo baajoo tha aur raaste mein kailaash golagappe vaala apana thela lagaata tha...ghar jaane ke do raaste the tum dusare raaste jaatee aur main golagappe kee dukaan vaale raaste...us din bahut khush tha...nevee bloo rang kee skool kee paint kee jeb mein 1 rupaye ke paanch sikke khan khan karake khanak rahe the aur main khud ko bil gets samajh raha tha...shaayad paanch rupaye mujhe pahalee baar mile the aur tujhe golagappe khilaakar sarapraij bhee to dena tha...

skool kee chhuttee hone ke baad badee himmat juta kar tumase kaha- jyoti, aaj mere saath mere raaste ghar chalo na? haanlaaki ham dost the par itane bhee achchhe nahin ki too mujh par trast kar letee...main nee aaree toone gusse se kaha...pleej chalo na tumhe kuchh sarapraij dena hai...mainne bahut apeksha se kaha...ye sun ke too aur bhadak gayee aur jaane lagee kyoonki klaas mein meree imej baikait aur lophar ladakon kee thee...

main ja hee raha tha to too aakar bolee- ruko main aaungee par tum mujhase 4 pheet door rahana....mainne muskuraate hue kaha theek hai...ham chalane lage aur main man hee man praphullit hue ja raha ye sochakar kee tujhe teree manapasand cheez khilaoonga aur shaayad isase tere dil ke saagar mein mere prati prem kee machhalee gote laga le...khair golagappe kee dukaan aaee...main ruk gaya...toone jigyaasaavas poochha- ruke kyoon?

main- are! jyoti tum golagappe khaogee na isalie.
too- are vaah!!!!!! jarur khaoongee.

teree aankhon mein chamak thee. aur meree aatma ko trpti aur atulaneey prasannata ho rahee thee. tab 1 rupaye ke 3 golagappe aate the.

main- kailaash bhaiyya zara paanch ke golagappe khilava do.
kailaash bhaiyya- jee baaboo jee. (mujhe bulaakar kaan mein) garalaphrand hay ka?
main(hansate hue)- na na bhaiya.aap bhee
kailaash bhaiyya ne golagappe mein paanee daalakar tujhe pakadaaya hee tha ki too jor se chillaee- ravi...ravi
itane mein ek smaart sa launda(shaayad dusare skool ka) jisake saamane main vo tha jaisa shakkar ke saamane gud laal rang kee karijma se hamaaree taraph aaya aur baik rok ke bola- jyoti main tumhaare skool se hee aa raha hoon. chalo kaho na pyaar hai ke do tikat karavae hain jaldee baitho
haay rtik roshan!!!! kahate hue too uchhal padee aur golagappa jameen mein phenkate hue mujhase bolee-soree ankit aaj kisee ke saath moovee jaana hai, kabhee aur.

aur main samajh gaya ki ye "kisee" kaun hoga.
ye kahate hue too baik mein baith gaee aur us launde se chipak gaee, usake seene mein apane donon haath baandhe hue.
too aankhon se ojhal hue ja rahee thee aur mujhe bas teree kaalee julphen nazar aa rahee thee. usee ko dekhata mere netron mein kaalima chha rahee thee.
kailaash bhaiyya kee bhee aankhe bhar aaeen thee aur mere do naina neer baha rahe the.
kailaash bhaiyya- chhodo na baaboo jee. ee ladakiyaan hotee hee aisee hain. aeesa thoade hoat hai ki kisee ke dil ko sheeshe kee tarah tod do.
ye kahakar unhonne kapada uthaaya jisase vo paseena pochha karate the aur apane aansuon ko pochhane lage. main bhee ro pada.
abhee 14 golagappe bache the aur kailaash bhaiyya jid kar rahe the khaane kee.

ek ek golagappa khaate khaate dil phlaishabaik mein ja raha tha.
doosara golagappa- too saataveen kaksha mein klaas mein naee naee aaee thee aankhon mein gaadha kaajal lagaakar aur meree aage vaalee seet mein baith gaee thee

teesara golagappa- toone saataveen kaksha ke enual phankshan mein ankhiyon ke jharokhe se gaana gaaya tha.
chautha golagappa- usee din kee raat mere nayano mein teree chhavi bas gaee thee.
paanchava golagappa- aathavee kaksha ke pahale din maidam ne tujhe mere saath bitha diya tha.
chhatha golagappa- main bahut khush tha. tere bolon se hed end sholdars shaimpoo kee khushaboo aatee aur main roz us khushaboo mein kho jaata. yahee kaaran tha main aathavee kee ardhavaarshik pareeksha mein anda laaya tha. aur maidam ne mujhe hadakaaya tha.

saatavaan golagappa- main phel ho gaya tha to maidam ne tujhe hoshiyaar ladakee ke saath bitha diya tha.

aanthava golagappa - main udaas ho gaya tha. aur mainne 3 din tak khaana nahin khaaya tha. nauva golagappa- main roz chhuttee ke baad tere ghar tak tera peechha kiya karata tha.

dasavaan golagappa - main roz subah aur shaam tere ghar ke chakkar kaatata tha is ummeed kee shaayad too ghar kai baahar ek jhalak maatr ke lie hee sahee dikh jae.
gyaarahavaan golagappa - toone mujhe ek din daant diya tha ki chhuttee ke baad mera peechha mat kiya karo. aur us din mujhe bahut bura laga tha, tabase main dusare raaste se ghar jaane laga tha.
baarahavaan golagappa - ham naveen kaksha mein pahunch gae the. divaalee thee. kaho na pyaar hai ke gaane rileez ho gae the. main klaas mein baitha netron mein teree tasveer lie kyoon chalatee hai pavan gunagunaate rahata tha

terahavaan golagappa - mainne divaalee ke baad tujhase poochha tha himmat jutaakar ki kya tumhaara koee boy phrend hai.tumane kaha tha- nahin main aisee ladakee nahin hoon.
us raat main bahut khush tha ye sochakar kee too kabhee to jaanegee ki tere lie main bhale hee kuchh bhee hoon magar mere lie too vo hai jisake lie main saans leta hoon.

chaudahavaan golagappa - aaj kaho na payaar hai rileej huee hai aur main paapa se paanch rupaye maangane kee jid kar raha hoon. yah bhee plaan bana raha hoon ki tujhase aaj dil kee baat kah doonga.
pandrahavaan aur aakhiree golagappa - mere dil toot chooka tha aur muhan mein golagappe ka paanee tha aur chehare mein ashkon ka.


new best love story, adhuri love story, short love story, love story of acute boy, cute love story, emotional love story, romantic love story, adhuri prem kahani, love story of incomplete love